Eng | 中文
follow SINE
follow SINE
拳王《雷奧》低頻之豐厚爆發力
SINE Nidas HC電源線
轉載自Post76: 拳王《雷奧》低頻之豐厚爆發力 – SINE Nidas HC電源線
上個月的影音展當中,小瑟有搵 SINE 打聽過佢地音展有咩玩電新野可以同大家分享,佢地當時就同小瑟介紹左二款新線,一條叫《Nidas Gold》,另一條就叫《Nidas HC》二條線的定位都非常清晰,的確吸引,尤其線材全經佢地最耍家的 -196℃超低溫冷凍處理,有效改善金屬結構和導電性能,去電順 D,自然出來的聲音都順滑 D,上次問過如有成品就借二條來玩下,等小瑟試下比部 Pioneer LX-901補補佢,而今次同大家試玩的就係呢條《Nidas HC》,睇下會唔會好水好力左先。
全新系列 SINE Nidas 究竟係代表咩呢???
當日傾計時, 都有講過其實佢地希望做一條力水好到位,又干淨的電源線,所以今次 Nidas HC其實就係以北斗之拳的拳王《雷奧》命名,而整個 Nidas 的線材都會經過 -196℃超低溫冷凍處理,同心軸結構,五芯設計,用上 Polyethylene(聚乙烯)絕緣體作線身材料,密度比一般PVC更高,當然對抗干擾能力亦都比PVC更強呢。全線雙面銅箔屏蔽,線芯有 10AWG(5.26mm²),最高可承受 300V / 30A 的電量,提供特高過電量(供特大後級及主電錶),除了小瑟手上的美式 15A 插頭之外,仲有英式 13A 插頭,歐洲Schuko 插頭比一眾玩家任選。小瑟將電線上手唔算好重,亦都唔難屈曲,對於機背唔多位的小瑟來講,插線都算方便呢。
∇ 有得呢個 CRYO-196℃ 的標誌, 就知道經過線材經過 “超低溫冷凍技術" 洗禮,是對提升金屬導體和缐材效能的重要技術。
∇ SINE Nidas HC 的 HC 其實就係指 High Current Power Cable(大流量電源線),如果大家需要放係POWER AMP, SUB仔等,總之要力水的位置就應該岩哂數勒。

∇ 每股線芯有 10AWG(5.26mm²),最高可承受 300V / 30A 的電量,就算係用來比主電箱去電制位都一定夠用啦。

雷奧 HC 配 Pioneer LX-901 究竟會出咩效果呢???
拉櫃,換線,開機,雖然看似幾個簡單的步驟,其實小瑟都要做好多野先可以完成,因為家中空間太窄,所有機架後的位置都岩岩好的,所以其實攪一攪都冇左一個下午,不過有時換線出來的效果就係幾辛苦都值得的,而今次用得《Nidas HC》呢條以力水為主的電源線,當然要比部 AV AMP 品嚐一下啦,小瑟玩緊的是 5.1.2, 家中 7 隻喇叭都係由 LX-901負責哂的,不過我家中的都係小喇叭,書架或掛牆的細喇叭,其實要推得到唔難,但如果要推得穩定同食得正所有音色都唔係咁易,尤其係超大音壓下,更加唔係次次都可以出到好音色的。今次小瑟就用上近期最愛的兩套電影來試試 HC 的效果先。

《Ghost in the Shell – 攻殼機動隊 : 試槍戰同爆玻璃之埋身感》
小瑟近來最愛的必定係呢套《攻殼》了,因為電影上映時,小瑟去左星影匯睇時,爆玻璃一幕玻璃爆碎聲打埋身真係到依家都記憶猶新,好耐冇出現過的震撼呀,所以呢套戲出碟即時入手,仲要返屋企勁炸一番啦。小瑟換上左 Nidas HC 之後,都比左半個小時左右佢熱一熱身先的,之後就再正式測試呢段,LX-901音壓 用到 -7 度,開場的音樂沒有太大的分別,當殺手開始出現,背景音樂轉為緊張氣氛之後,再連環開火,爆玻璃等等,用上 Nidas HC 在低頻的爆發力上,比之前的來得好深好厚,而且整個音場的中頻都豐厚而且有彈性,而難得的係高音方面都可以保持到清趣,對白明確。而爆玻璃一刻的埋身感唔錯,埋身的一刻係會有小小低頻的感覺在內,唔會只係高音到埋到身,幾好幾好!!

《Fast and Furious 8 – 狂野時速8 : 試賽車引擎低頻》
另一套就係《狂野8》,老老實實,套戲就真係唔好睇架勒,冇左 Paul 始終冇左神髓,但入面既章節同爆機位又真係好多又好正,尤其係開場呢幕的賽車引擎聲,真係正到冇哂朋友,所以搵佢想試下換左線後的低頻線條會係點就最好不過了。未開車前的以下呢場真係試低頻的好朋友,二架車在現場不停踩空油,FEEL到徐左SUB仔工作之外,中置的引擎都有湧住湧住出來的感覺,因為小瑟依家前面三隻喇叭都設定左全頻咁出,所以低頻唔會只係 Sub 仔工作,前面三隻都會一同幫手,所以呢個位全屋就比呢陣低音攪到震得既都震,郁得都郁哂勒,正式比賽之後除左低頻正之外,前後的空間感都做得非常之唔錯,尤其一開始二架車就真係好似係小瑟身邊行過咁,而唔知係之前冇留意定係真係聽多左,今次測試時小瑟比較聽多左係車呔同地面產生類似 “卒" 呔的聲音,唔知大家有冇留意呢。

Conclusion : 「下一步一定要試埋《SINE Nidas Gold》」
經過今次插上 Nidas HC 之後,小瑟對 SINE 的線材有左一份信心,事關在這個入門級價位又有咁清晰定位的線材的確唔多,好多線都唔會講明自己係配咩會岩聽的,所以今次國聲呢個設定對一眾 AV 的朋友係最好的玩法,而試過條 Nidas HC 之後,又點可以唔玩埋 Nidas Gold 呢?? 睇 SPEC 條 Gold 同 HC 分別唔太大,只係每股線芯轉成 13AWG / 2.62mm² 電量為 300V / 23A,其實真係值得一試。

Nidas HC

大雷奧 電源線

    特點:
  • 同心軸結構, 大大提高電流品質和最高過電流量
  • 特軟絕緣材料 - 耐用、高度的靈活性,方便入牆式安裝
  • SINE"CRYO -196°C"是專門為音頻和影像發展出來的技術, 能大幅改善金屬結構和導電性能。
  • 特別優化粗股純銅線材
  • 10AWG / 5.26mm² ( 300V / 30A )
  • -196℃超低溫冷凍處理
  • 全線雙面銅箔屏蔽
  • Polyethylene絕緣
  • 超柔軟振動吸收層
  • 雙導管避震
  • 50M/卷